هدية من شربل بعيني لإذاعة صوت المحبّة
ـ1ـ
بِـ صوت المحبّه
عم إسمعك ربّي
عم تنده علينا
بعتمات هالغربه
وتمسك بإيدينا
ع دروبنا الصعبه
وتسكن بعينينا
تا وجّك نخبّي
وتمشي حَوالينا
وترندح الطلبه
بـ صوت المحبّه
ـ2ـ
بتزورنا بالبيت
بتمسح بكي ودموع
بتغلّ ع السكيت
بتزرع إسم يسوع
وميمتو الـ حبّيت
تا يصير عنّا جوع
للصلا.. ويا ريت
منشد نحنا طلوع
تا نسمعك ربّي
بـ صوت المحبّه
ـ3ـ
تراتيل وغناني
وقدّاس ربّاني
وعيال عم تسمع
وعظات حرزانه
وأصوات عم تلمع
بتقديم انساني
رح خبيا بقلبي
تا تضل عمرانه
وتا يرتفع شعبي
بـ صوت المحبّه
