تغنّج يا شلح الأرز ببلادي
يا تاج أعلى جبال منصانه
بلونك الأخضر فرحت الوادي
ورندح البلبل أجمل غناني
شلشك إذا بيمتد بزياده
بيرخص إلو الدم الـ بشرياني
بقلوبنا زرعوك أجدادي
منشان ينمى فكر إنساني
يوزّع ع كل الكون أمجادي
وبأرض سيدني يشعّ إيماني
بركع بصلّي العمر للفادي
يردّ الغضب عن أرض منهانه
يا أرز، فوق السطح عم نادي
وما همّ لولا بيتعب لساني:
شربل بعيني بيعبُد عباده
بيرق بيوحّد شعب لبناني
