يوم وصلني خبر زواج أخي الاكبر أنطوان بعيني على جارتنا تريز أنيسة
أنا بلبنان.. يا ملبورن قوليلو
صعبه الخي ننسالو جميلو
إبن سركيس يا فرحة شبابو
بعتم الهجر عم تضوي قناديلو
كبير البيت.. رح توقف ع بابو
شمس الكون، تا تشع مقابيلو
تريز بجيرتو رفعت عتابو
وبضحكة سنها بتطفي غليلو
حبّا كتير.. تا الايام شابوا
وهديها قلب ما بيخلق مثيلو
أخي أنطون عم يكتب كتابو
ع بنت الجار.. يا شعري حكيلو:
أحلى تنين من يوم اللي غابوا
دمع الأرز ما بيوقف عويلو
