عبلى

يَا مَا وْيَا مَا نْدَهْت يَا "عبلَى" تَعِي
نْمَشْوِرْ عَ دَرْب اللَّيْلْ شِي مِشْوَارْ
وْإِسْقِي زْهُورِكْ مِنْ حَنَايَا مَدْمَعِي
وْعَلِّقْ عَ صدْرِكْ كَمْ نِجْمِه زْغَارْ
كاتِبْ قَصِيدِه.. آخ لَوْلا بِتِسْمَعِي
كِيفْ الْغَزَلْ بِيلَهِّبْ الأَشْعارْ
كِنْتِي بْقلبي بْدُونْ ضَجِّه بْتُوقَعِي
وْبِتْعَمّري عَ الصّدر أَجْمَلْ دارْ
وِبْتِنْزلي صَوبْ الفَرَحْ وِبْتِطْلَعي
مِتْل الأَميرَه.. مْتَوّجِه بِالْغارْ
ويا دِلّ "عَنْتَر عَبْس" لَمّا بْتِقْلَعِي
فستانِك اللّي مْطَعّم بْأَزْهارْ
مْأَكّدْ بِعَتْم اللَّيْل بَدِّكْ تِقْشَعِي
بُرْكانْ حُبّي.. تا الشّفافْ تْوَلِّعي
والنار تِشْرَب مِنْ عَطَشْها النار
**