مادجي

بلدة ريفية في ولاية نيو ساوث ويلز مشهورة بنبيذها الفاخر

ـ1ـ
بالأهلا.. لاقِتْني "مادْجي"
ضيْعَه بِجْنايِنْها فِرْجه
غاباتا فسْتان مْلَوَّنْ
وِالْبِرْنَيْطَه زْهور الْمَرْجِه
تا إِمْشِيها عَمْ إِتْمَرَّنْ
رَحْ إِطْلَعْها دَرْجِه دَرْجِه
ـ2ـ
نْبيداتا بْتِشْبَه أَشْعاري
بْتِفْضَحْني.. بْتِسْرُقْ أَفْكاري
بْتِرْمِيني عَ شْطوط الْفَرْحَه
وْأَنا بِالْفَرْحَه مُشْ داري
حْقُول الْكَرْمِه لبست طرحَه
عَريسَا جايِبْتُو عْياري
**