الى الجارة العزيزة فابيولا انيسه
ـ1ـ
مرّه وحده.. يا مختار
سْمَحلي غنّج "فابيولا"
جارتنا.. الـ متلا ما صار
بنت العيله اللي بجلاّ
حليبا "بعيني".. وكتار
قالوا: "لأنيسه" كلاّ
وحياتك يا "الياس خطّار"
بإسم العيله منتسلى
لكن نحنا كْبار زْغار
عَيْله.. مْباركها أللـه
ـ2ـ
وفوفو هللّي زارتنا
شمس بتضوي بحارتنا
كتبتلاّ أشعار كْتيرْ
فرحت فيها كلمتنا
إمّا كبيره، وبيّا كبيرْ
ألله يرحم إخوتنا
موسى وماري ما بيصير
متلُن، مهما الدولاب دار
بتكبر فينا محبتنا
ـ3ـ
وهلّق طوني مع جانيت
قالوا للبيتزا: طلّي
أهل الضيعه ضووا البيت
جيعان واحد ما تخلي
للعدرا ركعت وصليت
وقلت: يا عدرا ضلّي
شفيعتنا.. وشو استحليت
زور كنيستنا شي نهار
وقدّامك نخّ وصلّي
