سبعون اخي جوزاف

ـ1ـ
رح خبركن خبريّه
عن فرحة أمي وبيي
بـ سنة التسعه وأربعين
قدّملن ألله هديه
ـ2ـ
طفل زغيّر شو قمّور
متل الزهره بجنينه
من وجّو بيشع النور
وإسمو جوزاف البعيني
ـ3ـ
كبر وصفّى رفيق وخيّ
ما بعمرو بيزعّلني
لما بشوفو بصرخ: خي
فوق الغيم بيحملني
ـ4ـ
جوزاف خيي اللي بحبّو
أكبر منّي بشي سنتين
لمّن سكّني بقلبو
سكّنتو جوّات العين
ـ5ـ
ولما احتفلوا بالخمسين
يوبيلي الما بيتكرر
وقف حدّي.. متلو مين
بيخلّي خيّو يكبر
ـ6ـ
يا خيي بقلك وبعيد
إنت الفرحه بغربتنا
انشالله بتتهنا بهالعيد
عيدك هوّي فرحتنا
ـ7ـ
عندك عيله ملوى الكون
ربّيتا بتقوى ألله
متلا ما بيتلاقى هون
بتسوى هالدنيي كلاّ
ـ8ـ
يا فرونيكا بدي قول
بعيد الخي وأحلى رفيق
رفيقة عمرو مش معقول
كيف توفّق هالتوفيق
ـ9ـ
يا خيي زتّ السبعين
وخلّي عينك ع الميّه
انشالله بالميه وعشرين
بشوفك حدي يا خيي
**