25 أيار عيد تحرير الجنوب اللبناني
ـ1ـ
أقدس شهر بيشرّف الإنسان
وبيوزّع الخيرات والإحسان
يا رمضان الكل بيحبّوك
سآل المسيحي الشاعر الفنان
ـ2ـ
بالصوم بتوّحد فقر وملوك
وبتفرّح المسكين والجوعان
وبقلوبُن الأطفال بيخبّوك
شهر القداسه وشعلة الإيمان
ـ3ـ
ولمّن بآيات السما بيقروك
متل الشمس بتشع بالقرآن
كل العرب مجد الدني عطيوك
وخسروا القدس وتيتم الجولان
ـ4ـ
كل العرب بالحلم بيشوفوك
وعن قدسنا وجولاننا عميان
الضفّه الغربيّه حلم صعلوك
رح يسرقا ويحندق العربان
ـ5ـ
يا شعبنا الغيّاب ما نسيوك
روح القضيّه هون بالهجران
كتار اللي خانوا ربّنا وخانوك
كتار اللي حبّوا يرافقوا الشيطان
ـ6ـ
كتار اللي قتلوا الأبريا وقتلوك
وعم يحلموا بـ جنّة الرضوان
كتار اللي باعوا أرضنا وباعوك
وفشروا يبيعوا شبر من لبنان
ـ7ـ
تعبت دينينا من صياح ديوك
بيضيّعوا الأوطان كيف ما كان
تا يكدّسوا أموالهم ببنوك
وطفل العرب جوعان أو بردان
ـ8ـ
لا تخاف من زمرة تتر هانوك
منحرّرك.. منخفّف الأحزان
التحرير عيدو اليوم يا إخوان
**
ـ1ـ
أقدس شهر بيشرّف الإنسان
وبيوزّع الخيرات والإحسان
يا رمضان الكل بيحبّوك
سآل المسيحي الشاعر الفنان
ـ2ـ
بالصوم بتوّحد فقر وملوك
وبتفرّح المسكين والجوعان
وبقلوبُن الأطفال بيخبّوك
شهر القداسه وشعلة الإيمان
ـ3ـ
ولمّن بآيات السما بيقروك
متل الشمس بتشع بالقرآن
كل العرب مجد الدني عطيوك
وخسروا القدس وتيتم الجولان
ـ4ـ
كل العرب بالحلم بيشوفوك
وعن قدسنا وجولاننا عميان
الضفّه الغربيّه حلم صعلوك
رح يسرقا ويحندق العربان
ـ5ـ
يا شعبنا الغيّاب ما نسيوك
روح القضيّه هون بالهجران
كتار اللي خانوا ربّنا وخانوك
كتار اللي حبّوا يرافقوا الشيطان
ـ6ـ
كتار اللي قتلوا الأبريا وقتلوك
وعم يحلموا بـ جنّة الرضوان
كتار اللي باعوا أرضنا وباعوك
وفشروا يبيعوا شبر من لبنان
ـ7ـ
تعبت دينينا من صياح ديوك
بيضيّعوا الأوطان كيف ما كان
تا يكدّسوا أموالهم ببنوك
وطفل العرب جوعان أو بردان
ـ8ـ
لا تخاف من زمرة تتر هانوك
منحرّرك.. منخفّف الأحزان
التحرير عيدو اليوم يا إخوان
**
