إلى روح طوني ساسين الكحيل
طوني يا طوني شفتك من جديد
لمّن زرت سيدني وغمرني العيد
فرحت فيك كتير يا بْن العم
بهالضحكة الْـ بتوزّع مْواعيد
مهموم كنت وشلت عنّي الهمّ
ولمّن سافرت غرقت بالتنهيد
ومرقت سنين وكنت فيها شمّ
أخبارك الحلوه وعنّي بعيد
واليوم جاني الموت متل السمّ
موتك قتلني.. بس مش رح زيد
يا دل إختك هون.. عم بتلمّ
دمعات حمرا.. لازما تبريد
ويا دل يوسف.. قلب أطيب عمّ
عم يحترق.. شو بيطلع بهالإيد
نيويورك سرقت ابن أشرف ام
لطوني الكحيل بيلبق التمجيد
مش حق عيله ع النعش تلتم
يا ما بوجودو غنّت زْغاريد
صار الدمع بالعين متل الدم
ببيتين شعر وكم صرخة آخ
يا بو وليد بودّعك يا بو وليد
**
