كتبتها ليقدّم بها الدكتور ممدوح سكرية الفنان الزائر نعيم نعمه
برنّات صوتو زقزقة اطيار
وبالأوف صار اللحن يتكنّا
إسمو نعيم ونعمتو قنطار
حامل معو نسمات موطنّا
جايي لعنّا.. بَيْعَد المشوار
ويا مية هلا بفنّان من عنّا
من اللاذقيه جاب اكليل غار
وبورود أحلى حمص زيّنا
وتدمر القلعه.. معمّره بحجار
خلّت تاريخ المجد يتهنّى
والشام يللي فنّها زنّار
كل الدني متزنره بفنّا
وبـ "تلّتو" الفيها الشوق غمار
ودّع أمومه الإبن تستنى
كيف غنّى شوقها بتحتار
بألحان لمّن صاغها تأنّى
ومن السويدا منبت الأحرار
غنّى البطوله بصوت جنّنا
وطرطوس يللي ليلها أنوار
ع هدير الموج دوزنّا
ومن أرز عم يكسر غصونو العار
قبل الحرب.. نور الدني كنّا
يا نعيم بأوف طفّي النار
تا نقول كل ما الهجر نتفه جار:
نعيم نعمه بليلنا غنّى
**
ودّع أمومه الإبن تستنى
كيف غنّى شوقها بتحتار
بألحان لمّن صاغها تأنّى
ومن السويدا منبت الأحرار
غنّى البطوله بصوت جنّنا
وطرطوس يللي ليلها أنوار
ع هدير الموج دوزنّا
ومن أرز عم يكسر غصونو العار
قبل الحرب.. نور الدني كنّا
يا نعيم بأوف طفّي النار
تا نقول كل ما الهجر نتفه جار:
نعيم نعمه بليلنا غنّى
**
