ليش صرتي بتشبهي السعدان
وكنتي قمر ضوّى بسما لبنان
وكان الجبل يحلم بنفنافك
وكان الزهر يفرشلك البستان
ليش حتّى تنفخي شفافك
اللي كتبت فوقُن أجمل القصدان
لا تزعلي لولا الطفل خافك
خدودك عجيبه.. مش خرج نسوان
ونهود زادت تقل ع كتافك
هالـ كنت فيهن دايب وسكران
وأكبر من الفوتبول أردافك
ما عاد يلبقلك ولا فستان
الدكتور خربط كل أوصافك
بعدو غشيم كتير.. مش فنان
تغزلت فيكي.. بحسن ألطافك
وهلق يا حسره ع الغزل ندمان
لولا بقيتي متل ما شافك
قلبي.. وجمالك راسمو الديّان
كنت بصابيعي بغزل لحافك
وبنيمك ع الصدر ليل نهار
وبوصف جمالك تا النجوم تغار
وتمي ع تمّك.. والجسم دفيان
