ـ1ـ
يا عمتي وعرابتي خسرنا
حضن الأمومه الـ كان يغمرنا
حضن الأمومه الـ كان يغمرنا
متلك صعب تا تنوجد إمّات
أرزه عظيمه بفيّتا كبرنا
أرزه عظيمه بفيّتا كبرنا
راحيل.. إسمك زيّن الكلمات
الإنجيل ذكرو.. وفضلك ذكرنا
الإنجيل ذكرو.. وفضلك ذكرنا
ع غياب بنتِك نشفت الدمّات
لمّن تعترتي.. تعتّرنا
لمّن تعترتي.. تعتّرنا
ـ2ـ
وع كلارك يقبرني أبو الهمات
بكيتي.. تمرمرتي.. تمرمرنا
بكيتي.. تمرمرتي.. تمرمرنا
يا آخر الحبّات بالكرمات
العنقود فرفط ع بيادرنا
العنقود فرفط ع بيادرنا
من بولس لباخوس أبو الشامات
وجورجيت مع كرمى بـ مهجرنا
وجورجيت مع كرمى بـ مهجرنا
وبطرس الخي الْـ في إلو علامات
تا يطل بالضحكه ياما نطرنا
تا يطل بالضحكه ياما نطرنا
وطوني اليموني وسحر نغمات
ع رنّة الغيتار سهّرنا
ع رنّة الغيتار سهّرنا
وهلّق بموتك غابت النجمات
ومتل اليتامى بهالدني صرنا
ومتل اليتامى بهالدني صرنا
ـ3ـ
لأمي وبيي ببعت سلامات
لمرسال هللي مات أزغرنا
لمرسال هللي مات أزغرنا
قوليلهن عم تنحني القامات
ومن لوعة الأحزان ختيرنا
ومن لوعة الأحزان ختيرنا
يا عمتي.. يا زينة العمّات
رح إحسد عليكي مقابرنا
رح إحسد عليكي مقابرنا
شحدنا الدمع من أبعد الغيمات
لو تسألي عيون الأهل بتقول:
لو تسألي عيون الأهل بتقول:
الدمعه الأخيره بموتك عصرنا
