أمسية كتاب السيدة نبيهة حدارة 1/12/2019
يا نبيهه.. "الحب يللي كان"
عارف أنا بيعيش بالأوطان
ع "التل" مطرح ما تمشّيتي
"بطرابلس" هالْـ شعبها إنسان
أيقونة الثوره اللي حبّيتي
زرعت بـ قلبي الفخر والإيمان
جيتي ع غربه فكرك عْطَيْتي
كتبتي تا يعلا للأدب بنيان
قلتي بتواضع.. تا تعلّيتي
عم إبتدي بالحرف يا إخوان
ومقهى "أبو رياض" خلّيتي
يعيش بكتابك أجمل الأزمان
وعن عيون الشرّ خبّيتي
بنيّات ضيعه مفتّحه بنيسان
وع قدّ ما للرب صلّيتي
الظاهر سمع طلباتك الديّان
نور مع ياسين نقّيتي
بالحب حتّى يوحدوا الأديان
يا نبيهه العتم ضوّيتي
بعيله عظيمه هون بالهجران
أقمار جوّا البيت ربّيتي
تسلم أمومه قلبها سهران
تمنّيت متلك.. شو تمنّيتي
يعمّ السلم.. صار الشعب يئسان
وأستراليا اللي عمرك هْدَيْتي
تصفّي أملنا.. وأجمل البلدان
بسيدني العظيمه بيتك وبيتي
أجمل مدينه يا نبيهه.. بسّ
منضلّ نحلم بالوطن لبنان
